Մի քանի սկզբունք, որոնք օգնում են վստահել արդյունքին և արագ աշխատել.

• Պատասխանները հիմնված են օրենքի վրա։ AI-ը որոնում է ARLIS-ի պաշտոնական տվյալներում և պատասխանում է համարակալված հղումներով, որոնք կարող եք բացել ու ստուգել։
• Ձեր գործը՝ մեկ տեղում։ Ֆայլերը, հուշագիրը, ժամկետները և ժամանակագրությունը պահվում են գործում, և AI-ը օգտագործում է դրանք ցանկացած զրույցում, որտեղ բացում եք գործը։
• Նախագծերը խմբագրվող են։ Փաստաթղթերը բացվում են կողքի վահանակում, փոփոխվում են զրույցի միջոցով և ներբեռնվում Word կամ PDF ձևաչափով։
• Առանց Ձեր համաձայնության ոչինչ չի պահվում։ Երբ AI-ը ցանկանում է ավելացնել ժամկետ, փոխել հուշագիրը կամ կատարել վճարովի գործողություն, այն ցույց է տալիս քարտ, և որոշումը Ձերն է։

1. 1

   Նկարագրեք իրավիճակը և նշեք, թե ինչ արդյունք եք ուզում

   Գրեք փաստերը (ով, ինչ, երբ), Ձեր դերը (օրինակ՝ ներկայացնում եք պատասխանողին) և պատասխանի ձևը՝ կարճ եզրակացություն, քայլերի ցանկ կամ փաստարկներ դատարանի համար։

2. 2

   Ստուգեք հղումները

   Պատասխանի յուրաքանչյուր պնդում ունի համարակալված հղում։ Սեղմեք դրա վրա՝ հոդվածի ամբողջական տեքստը տեսնելու և ARLIS-ում բացելու համար։ Զրույցի ընթացքում կարող եք նաև տեսնել, թե AI-ը ինչ է որոնել։

3. 3

   Շարունակեք նույն զրույցում

   AI-ը հիշում է ամբողջ զրույցը։ Ճշտեք հարցը, խնդրեք օրինակներ կամ հակափաստարկներ, առանց կրկնելու փաստերը։ Նոր թեմայի համար սկսեք Նոր զրույց։

Ինչ է «հիշում» AI-ը

Ամեն անգամ, երբ հարց եք ուղարկում, AI-ը նորից կարդում է ամբողջ զրույցը՝ սկզբից մինչև վերջին հաղորդագրությունը։ Այն նման է գործընկերոջ, որը պատասխանելուց առաջ վերընթերցում է նամակագրությունը։ Բայց նրա «աշխատանքային հիշողությունը» սահմանափակ է. միաժամանակ կարող է ուշադրության կենտրոնում պահել որոշակի ծավալի տեքստ։

• Ամեն նոր զրույց սկսվում է զրոյից։ Եթե մի զրույցում գրել եք «պատասխանիր կարճ» կամ «մենք ներկայացնում ենք վարձակալին», մյուս զրույցում AI-ը դա չի հիշի։
• Կարճ զրույցներն ավելի լավ են։ Երբ զրույցը շատ է երկարում, դրա հին մասերը AI-ը ամփոփում է, և մանրամասները կարող են կորչել։ Պատասխանները նաև ավելի դանդաղ են դառնում։

Ինչ անել.

• Մեկ զրույց՝ մեկ հարցի կամ առաջադրանքի համար։ Թեման փոխվե՞լ է, սկսեք նոր զրույց։
• Նոր զրույցում կարճ կրկնեք կարևոր փաստերը, կամ բացեք գործը. դրա ֆայլերն ու հուշագիրը AI-ին հասանելի են ցանկացած զրույցում։
• Այն, ինչ պետք է գործի բոլոր զրույցներում (պատասխանի ոճ, երկարություն, Ձեր ոլորտը), գրեք մեկ անգամ AI-ի անհատականացում կարգավորումներում։

1. 1

   Գրեք, թե ինչ եք փնտրում, Ձեր բառերով

   Որոնումն աշխատում է ըստ իմաստի․ «վարձավճարի ուշացման տույժ» հարցումը կգտնի համապատասխան հոդվածները, նույնիսկ եթե դրանցում այլ բառեր են օգտագործված։

2. 2

   Նեղացրեք արդյունքները

   Ընտրեք ակտի տեսակը (օրենք, օրենսգիրք, որոշում…) կամ ընդունող մարմինը։ Սեղմեք արդյունքի վրա՝ ամբողջական տեքստը կարդալու կամ ARLIS-ում բացելու համար։

1. 1

   Սեղմեք «Կցել փաստաթուղթ» և ընտրեք ֆայլը

   Աջակցվում են PDF, Word և նկարներ։ Սկանավորված փաստաթղթերի և լուսանկարների տեքստը ճանաչվում է ավտոմատ (OCR)։

2. 2

   Հարցրեք ֆայլի մասին

   Օրինակ՝ «Գտիր այս պայմանագրի ռիսկերը վարձակալի համար և առաջարկիր փոփոխություններ»։

1. 1

   Խնդրեք կազմել փաստաթուղթը

   Նշեք փաստաթղթի տեսակը, կողմերը և կարևոր պայմանները, օրինակ՝ «Կազմիր գրասենյակի վարձակալության պայմանագիր Երևանում՝ 2 տարի ժամկետով, ամսական 300,000 դրամ»։

2. 2

   Հաստատեք ստեղծումը

   AI-ը ցույց կտա փաստաթղթի վերնագիրը և գինը (50 կրեդիտ)։ Փաստաթուղթը կստեղծվի միայն սեղմելուց հետո։

3. 3

   Խմբագրեք զրույցի միջոցով և ներբեռնեք

   Փաստաթուղթը բացվում է կողքի վահանակում։ Գրեք զրույցում, թե ինչ փոխել («ավելացրու գաղտնիության կետ», «դարձրու պաշտոնական ոճով»), և AI-ը կթարմացնի այն։ Պատրաստ լինելուց հետո ներբեռնեք Word, PDF կամ Markdown ձևաչափով։

Վճռաբեկ դատարանի նախադեպային որոշումներ

Եթե հոդվածի վերաբերյալ կան նախադեպային որոշումներ, AI-ը ցույց կտա դրանց ցանկը՝ գործի համարով և ամսաթվով։ Որոշումների տեքստը ներբեռնվում է միայն Ձեր հաստատումից հետո (20 կրեդիտ յուրաքանչյուր որոշման համար), որից հետո AI-ը վերլուծում է դրանք Ձեր հարցի համատեքստում։

Համացանցային հետազոտություն

Հարցերի համար, որոնց պատասխանը միայն օրենքում չէ (պրակտիկա, պետական մարմինների պարզաբանումներ, վերջին փոփոխություններ), AI-ը կարող է առաջարկել համացանցային հետազոտություն (20 կրեդիտ)։ Արդյունքում ստանում եք զեկույց՝ աղբյուրների հղումներով։

1. 1

   Ստեղծեք գործ

   Վերևի ընտրացանկում բացեք Գործեր և սեղմեք Նոր գործ։ Տվեք անվանում, կարճ նկարագրություն և, ցանկության դեպքում, առաջին նշումները հուշագրում։

2. 2

   Վերբեռնեք գործի ֆայլերը

   Քաշեք ֆայլերը «Ֆայլեր» բաժին կամ սեղմեք Ավելացնել → Վերբեռնել ֆայլ։ Իսկ Գրել տեքստ-ով կարող եք գործում պահել Ձեր նշումները, հանդիպման արձանագրությունը կամ նամակի տեքստը. այն կպահվի որպես Word ֆայլ։ Սկանավորված PDF-ի կամ էջերի լուսանկարների համար ընտրեք Սկանավորել փաստաթուղթ. AI-ը կկարդա տեքստը (մինչև 10 էջ), կպահի այն որպես Word ֆայլ, իսկ բնօրինակը կմնա ներբեռնելու համար։ Մի քանի վայրկյանում յուրաքանչյուր ֆայլ կարդացվում է, ինդեքսավորվում որոնման համար և ստանում կարճ ամփոփում (սեղմեք ամփոփման վրա՝ ամբողջությամբ տեսնելու համար)։ Ֆայլի անվան վրա սեղմելով կտեսնեք դրա տեքստը։

3. 3

   Հարցրեք AI-ին գործի մասին

   Սեղմեք Հարցնել AI-ին․ կբացվի զրույց, որտեղ գործն արդեն կցված է։ AI-ը կորոնի գործի ֆայլերում (Խելացի որոնում գործի ֆայլերում), կկարդա անհրաժեշտ փաստաթղթերը և կպատասխանի ֆայլերի ու էջերի հղումներով, որոնք կարող եք բացել և ստուգել։

Հուշագիր՝ գործի երկարաժամկետ հիշողություն

Զրույցի պատմությունը չի փոխանցվում նոր զրույցին, իսկ հուշագիրը՝ այո։ Այնտեղ պահվում են կողմերը, կարևոր փաստերը, որոշումները և ռազմավարությունը (մինչև 7,500 նիշ)։ Երբ զրույցում հայտնվում է նոր կարևոր տեղեկություն, օրինակ՝ հաշտության առաջարկ կամ հաճախորդի որոշում, AI-ը ինքն է առաջարկում թարմացնել հուշագիրը։ Քարտում տեսնում եք, թե կոնկրետ ինչ է փոխվում, և որոշում եք պահել, թե ոչ։ Հուշագիրը կարող եք նաև ինքներդ խմբագրել գործի էջում՝ Խմբագրել կոճակով։

Գործը ցանկացած զրույցում

Գործը կարող եք օգտագործել նաև սովորական զրույցում․ բավական է նշել այն (օրինակ՝ «Պետրոսյանի գործով…»)։ AI-ը կգտնի գործը և կխնդրի թույլտվություն այն կարդալու համար՝ մեկ անգամ յուրաքանչյուր զրույցում։

AI-ի կազմած փաստաթղթերը գործում

Զրույցում կազմված փաստաթղթի վահանակում սեղմեք Պահել գործում․ փաստաթուղթը կպահվի գործում որպես Word ֆայլ՝ «AI փաստաթուղթ» նշումով, և AI-ը կկարողանա օգտագործել այն հաջորդ զրույցներում։ Պահված փաստաթուղթը չի փոփոխվում․ նոր տարբերակը պահվում է որպես նոր ֆայլ։

1. 1

   Կազմեք ժամանակագրությունը ֆայլերից

   Գործի էջում բացեք Ժամանակագրություն ներդիրը և սեղմեք Կազմել ֆայլերից։ AI-ը կկարդա գործի ֆայլերը և կառաջարկի կարևոր փաստերը՝ ամսաթվով, տեսակով և աղբյուր ֆայլով։ Ստուգեք, խմբագրեք և հաստատեք։

2. 2

   Աշխատեք ժամանակագրության հետ

   Փաստերը և գործի ժամկետները ցուցադրվում են ըստ ամսաթվի, «Այսօր» նշիչով։ Սեղմեք աղբյուրի վրա՝ ֆայլը բացելու համար, կամ փաստի վրա՝ այն խմբագրելու համար։ Նոր փաստ ավելացրեք Ավելացնել կոճակով։

1. 1

   Թող AI-ը առաջարկի ժամկետները

   Երբ զրույցում նշում եք ամսաթիվ («նիստը դեկտեմբերի 3-ին է», «հայցադիմումը ստացել ենք հոկտեմբերի 20-ին»), AI-ը պատասխանից հետո առաջարկում է ավելացնել այն օրացույցում։ Հաշվարկված ժամկետների դեպքում քարտում նշվում է, թե ինչպես է այն հաշվարկվել և որ հոդվածի հիման վրա։

   Մինչև հաստատելը կարող եք Խմբագրել ցանկացած տող (ամսաթիվ, ժամ, վայր, տեսակ) կամ հեռացնել այն։ Ոչինչ չի ավելացվում առանց Ձեր հաստատման։

2. 2

   Հետևեք օրացույցին

   Օրացույց էջում իրադարձությունները խմբավորված են՝ ժամկետանց, այսօր, առաջիկա 7 օրը և ավելի ուշ։ Կատարվածը նշեք վանդակով։ Վերևի ընտրացանկի կարմիր նշանը ցույց է տալիս ժամկետանց և այսօրվա Ձեր գործերը։ «Ամիս» տեսքում կտեսնեք ամբողջ ամիսը։

3. 3

   Թարմացրեք զրույցում

   Գրեք, օրինակ, «նիստը տեղափոխվել է դեկտեմբերի 10-ին», և AI-ը կառաջարկի փոխել առկա իրադարձությունը։ Կարող եք նաև հարցնել՝ «Ի՞նչ ունեմ այս շաբաթ»։

Կազմակերպություն

Կազմակերպության անդամներն ունեն ընդհանուր կրեդիտներ, ընդհանուր գործեր և օրացույց։ Զրույցները մնում են անձնական։ Ադմինիստրատորը անդամներին հրավիրում է կազմակերպության կարգավորումներում, իսկ կրեդիտները լիցքավորում է Օգտագործում և վճարումներ էջում։

Ինչ արժե

Գրանցվելիս ստանում եք 100 կրեդիտ։ Փաթեթներ՝ Սկսնակ՝ 250 կրեդիտ 5,000 ֏, Ստանդարտ՝ 800 կրեդիտ 15,000 ֏, Պրոֆեսիոնալ՝ 2,200 կրեդիտ 40,000 ֏։ Մանրամասները՝ Օգտագործում և վճարումներ էջում։

Հաշիվ

• Օգտագործում և վճարումներ՝ կրեդիտների մնացորդը, գնացուցակը, լիցքավորումը և բոլոր գործարքների պատմությունը (որ հարցի կամ փաստաթղթի համար որքան է ծախսվել)։
• Օգտատիրոջ կարգավորումներ՝ անուն, լուսանկար, էլ. հասցե, գաղտնաբառ և մուտքի եղանակներ, ինչպես նաև այն սարքերը, որոնցից մուտք եք գործել։
• Կազմակերպության կարգավորումներ՝ կազմակերպության անվանումը, անդամները և նրանց դերերը, նոր անդամների հրավիրումը։ Այս բաժինը երևում է միայն կազմակերպության հաշվում։

AI-ի անհատականացում

Այստեղ մեկ անգամ նշում եք, թե ինչպես պետք է AI-ը պատասխանի, և այն հետևում է դրան բոլոր զրույցներում։ Սա է հիշելու ճիշտ տեղը, քանի որ զրույցում տրված հրահանգները հաջորդ զրույց չեն փոխանցվում (տե՛ս Ինչ է «հիշում» AI-ը)։

• Ձեր նախասիրությունները՝ պատասխանի երկարությունը («Կարճ», «Միջին», «Մանրամասն»), ոճը («Պաշտոնական», «Պարզ»), ում համար է պատասխանը («Իրավաբանների համար», «Ոչ իրավաբանների համար»), Ձեր իրավունքի ոլորտները և լրացուցիչ հրահանգներ՝ մինչև 1,500 նիշ։
• Կազմակերպության հրահանգներ՝ գործում են կազմակերպության բոլոր անդամների զրույցներում (օրինակ՝ «Մենք հիմնականում աշխատում ենք ՏՏ ընկերությունների հետ»)։ Դրանք սահմանում է ադմինիստրատորը։

Տվյալներ

Տվյալների հարթակի կարգավիճակ՝ ցույց է տալիս, թե որքան թարմ է ARLIS-ից ներմուծված օրենսդրությունը, որի վրա հիմնվում են պատասխանները. մինչև որ ամսաթիվն են ներառված փոփոխությունները և երբ է եղել վերջին ստուգումը։ Եթե կասկածում եք, որ օրենքը վերջերս է փոխվել, նախ նայեք այստեղ։

Աջակցություն

• Նորություններ՝ KanonX-ի նոր հնարավորություններն ու բարելավումները։
• Կապ մեզ հետ՝ «Սխալի մասին հաղորդում» կամ «Ընդհանուր հարց»։ Եթե խնդիրը կապված է կոնկրետ զրույցի հետ, կցեք զրույցի հղումը (զրույցի «Կիսվել» կոճակով)․ այդպես մենք ավելի արագ կհասկանանք, թե ինչ է տեղի ունեցել։